أسعار أفضل قاعات القاهرة لـ 2009 وشتاء 2010 مع الصور

[ندعوك للتسجيل في المنتدى أو التعريف بنفسك لمعاينة هذه الصورة]

الموضوع ده حصري
هنعرف مع بعض إن شاء الله أفضل القاعات في القاهرة
وأسعارها وبعض الصور مرفقة للقاعات

وأعذروني استثنيت من ذلك قاعات دار الدفاع الجوي
غنية عن التعريف في جمالها وروعتها
لكن أسعارها تبدأ من 50 و60 ألف وانتو طالعين
مبلغ مبالغ فيه

وربنا يتمم بخير لكل عروسين يارب

مبدئيا لازم نعرف ان طبعا أكتر حاجة بتفرق في سعر الفرح هي البوفيه

غير كده عدد المدعوين لأن كلما كتر كلما زاد البوفيه
والعدد اللي يزيد عن القاعة بتزيد الخدمة ليه كمان

غير كده لو العروسين حبوا يضيفوا برامج زيادة على القاعة زي فرقة أو مغني ده برضه بيفرق في السعر
القاعات اللي هنشوفها النهاردة من أفضل القاعات

ونبدأ بأجملهم

مرسى النهر الخالد

قاعة حورس

القاعة دي جامدة جدا جدا

ماتتخيلوش أد إيه فخمة وشيك

القاعة لسة جديدة وآخر تجديدات لسة معمولة فيها الشهر ده

القاعة على البحر علطول وواسعة وحلوة ومافيش أعمدة
(وده شيء بيضايق ناس كتير
خصوصا لما المعزومين مايعرفوش يشوفوا بعض
أو يشوفوا العروسين بسبب الأعمدة الكتير في القاعة)

وللأسف ماعرفتش أصورها لأن العمال كانوا شغالين في التجديدات
وماكانش فيها أي تربيزات
بس الصور اللي شوفتها عندهم تحفة
ووجود القاعة على النيل علطول خصوصا ان كلها زجاج
فده بيدي شعور حلو أوي أوي

عندهم أشكال كتير لكسوة الكراسي والكوشة
غالبا سعر الكوشة بيكون 700 جنيه
وأغلى كوشة فيهم بـ1200 جنيه
وسعر كسوة الكراسي كان الكرسي الواحد بـ 5 جنيه
ومفرش التربيزة بـ 25 جنيه
وانتو اللي بتختاروا الشكل من الكاتالوج اللي عندهم

ممكن مصاريفهم تكون كتيرة لبعض الناس لكن ده أكيد لأنها لسة متجددة قريب

ودي قائمة أسعار القاعة
[ندعوك للتسجيل في المنتدى أو التعريف بنفسك لمعاينة هذه الصورة]

وهتلاحظوا فيه صورة للقاعة في القائمة
والمدخل بتاعها كمان حلو أوي
وخدوا بالكوا مدخل التول اللي بالورد ده مش ببلاش بفلوس
بس نسيت قالولي كام بصراحة

الصورة اللي في الناحية التانية من القائمة هتلاقوا المدخل من غير زينة
مدي شكل فرعوني جميل جدا جدااا
حتى مدخل مرسى النهر الخالد جميل
وفيه مراجيح ولعب لو فيه أطفال في الفرح هيفرحوا بيها أوي

بكدة انتهينا من أول أجمل القاعات
وأعذروني لحجم الصور المزعج لحجم الصفحة

بس عشان الكلام اللي في الصورة يكون واضح
لو فيه في المنتدى تكبير الصورة بعد الضغط أكيد كنت هستخدمها
وللناس اللي الصور مش بتحمل معاهم في الصفحة هعملهم ملف مخصوص

يحملوه من النت هحط اللينك بتاعه في آخر مشاركة إن شاء الله

بعد كده قاعات دار المركبات
فيه أكثر من قاعة الحقيقة

ودي قائمة الأسعار لكل القاعات الموجودة

قاعتي نفرتيتي ونفرتاري

(مش عارفة إيه الأسامي اللي تلخبط دي )

معايا صور للقاعتين دول بس

قاعة فيهم فوق وقاعة تحت الاتنين دول في نفس المبنى

اللي تحت بابها على الدار يعني على الشارع
(مش الشارع الخارجي أقصد المكان اللي جوة سور الدار)

والتانية بنطلعلها بسلم من جوة

وبصراحة انا اتلخبطت مين فيهم فوق ومين تحت الأسامي متشابهة أوي
المهم

دي القاعة اللي فوق

نيجي للقاعة التالتة اللي شوفتها هناك
(ملحوظة أنا ماشفتش كل القاعات هما التلاتة دول بس)

برضه جميلة أوي اسمها لؤلؤة بس صغيرة
دي مش معايا صورها
القاعة دي جوة الدار بتاعت الفندق
ودار المركبات ميزتها انها بتدي للعروسين ليلة مجاني في الفندق
عند حجز أي قاعة فيها

قاعة لؤلؤة هي القاعة اللي جوة الفندق
عشان كده بيتضاف ليها رسم مدخل فندق 150 جنيه
(الناس بتتلكك عشان تاخد فلوس )

طبعا هتلاقوا الأسعار في القوائم مكتوبة بالتفصيل
[size=21]بسعر كل قاعة والبوفيهات والإضافات وكله

في النهاية معانا قاعة الأسلحة والذخيرة

وأعذروني اني ماعرفتش أصورها لأني كنت رايحة بالليل وكلها أفراح واتأخرت
ماكانش فيه وقت الحقيقة لأن دار الأسلحة والذخيرة واسعة جدا
والمكان اللي بتسأل فيه عن الأسعار غير مكان القاعات

وعايزة لف بالعربية جوة وشغلانة يعني
عشان كده كان صعب أصورها

بس جايبالكو معايا القوائم

وأعرف ناس حضرت فيها وشكروا في القاعات جدا الحقيقة
وفي نفس الوقت ممكن تلاحظوا ان الفرح فيها ممكن يتكلف أكتر شوية من تكاليف القاعات التانية اللي شوفناها مع بعض النهاردة

في النهاية أتمنى أكون قدرت أفيدكو

ولو فيه أي حد عنده استفسار عن قاعات تانية يقوله وانا احاول أجيب معلومات عنها
أيا كانت محافظته

سلام