الخيانة .... برغم الحب

تسلملى يا مادو على ردك
بجد انا حسيت بأهميه الموضوع لما رديت
نورت موضوعى بتشريفك
وعلى مداخلاتك الرااااائعه

لكن من وجهة نظري لا يوجد انسان صادق في حبه ويخون حبيبه
مع شخص اخر مهما تعددت الاسباب والظروف للخيانه فليس هناك
مبرر للخيانه فالخائن انسان بلا ضمير والمحب ليس كذلك ..
المحبه لا تعرف طريقا للخيانه ابدا وعدا ذلك ليس حبا قد يكون
اعجاب او .... او .... اي شئ اخر ...

هو فعلا الخائن عمره ما يكون حبيب ابدا
والحبيب عمره ما يكون خــــــــائن ابدا ابدا
ان كان فعلا حبه صادق
لان اللى بيقدر يخون عمره ما يكون عرف معنى الحب
ولا معانيه الجميله من اخـــــــــــــلاص ووفـــــــــاء وصدق وعطاء وكل شئ تانى حلو
ف ازاى الخائن يقول او يوصف نفسه حبيب ؟؟؟؟؟

1 - الحب الحقيقى لا يعرف معنى الخيانة
هناك من يحب ويخون حبيبه لكنه لم يكن حب حقيقى لان الحب الحقيقى مخلص عاقل
وهناك من يخون لان الخيانة طبعه وحياته لو بطل خيانة يموت
المفروض كل واحد يبحث من البداية فى اختياره على الحبيب المخلص الذى يتقى الله فى نفسه وفى الاخرين

فى ناس كتير اوى الخيانه بتسرى فى دمهم
وهى حاجه عاديه بالنسبه ليهم زى الهوا اللى بيتنفسوه
بس الشخص اللى يكون كده بيبقى مريض نفسى ومحتاج انه يتعالج
لانى لغايه دلوقتى مش عارفه ازاى الواحد يقدر يقول لواحده انه بيحبها وميقدرش يعيش من غيرها و .......
وفى نفس الوقت بيخونها مع واحده تانيه والمضحك انه بيطلع انه بيقولها نفس الكلام
ازاى هانت عليه حتى انه يقول الكلمه دى
طيب وفين ضميره وقت ما بيكون بيلعب فى مشاعر شخص برئ قدامه
ميعرفش فى حياته غير الصدق والنقاء والوفاء
فين وراح فين
شكل الضمير بقى معدوم الايام دى وفى زمنا ده
ولكن هنقول ايه
فعلا الواحد لازم يحرص وياخد باله كويس من اختياراته بعد كده

2- انا مؤمن بحاجه ان الانسان الى يحب ويخون مهواش صادق من جواه وانسان ضعيف
والحب والضعف ميجتمعوش زى ماالحب والخيانه ميجتمعوش

فعلا الخاين بيكون ضعيف اوى من جواه
وبيكون عايز يخدع نفسه بأنه قوى فمش قدامه غير انه يخون
زى ما تكون بتحسسه بالقوه ما بينه وبين نفسه
ولكن الحب والخيانه عمرهم ما يجتمعوا مع بعض ابدا
زى ما الزيت عمره ما يدوب فى الميه
دى حاجه من رابع المستحيلات

3 - الى بيحب بيخون .. اذا دخلت الخيانه من الباب خرج الحب من الشباك
المشكله دلوقتى ان مباش فى حب بجد بقنا بنمثل اننا بنحب علشان كدا فى خيانه
بس طبعا مش هنعمم اكيد فى حالات ناجحه


اكيد طبعا مش هنعمم لان طبعا صوابعك مش زى بعضها
زى ما فى خاين.... فى برضه صادق ووفى فى حبه كمان
بس الاغلبيه العظمى من حالات فشل العلاقه ما بين اتنين بيكون سببها الخيانه
سواء من طرفها او طرفه
وزى ما انت بتقول اذا دخلت الخيانه من الباب خرج الحب من الشباك
فاذا دخل ما بينهم الشك فمستحيل انهم يثقوا فى بعض تانى
حتى لو عملوا نفسهم وكدبوا على بعض فى مسأله الثقه
بيكون من جواهم الشك حارق قلوبهم
فبيكون السبب الرئيسى فى فشل اى علاقه


وميرسى ليك كتييييييييير يا مادو على تشريفك لموضوعى
دمت بحفظ الله
وتحيـــــــــــــاتى
نوونا