هل بنات الناس لعبة واختك مكتوب عليها ممنوع اللمس؟

هل بنات الناس لعبة واختك مكتوب عليها ممنوع اللمس؟

حبيت أطرحه عليكم و اسمع رأي الجميع في الموضوع ده

الكــلام دهـ .. من واقــع شبابنا

بدايةً

سمعة البنت كالزجاج اذا انكسر يصعب اصلاحه وحياتها وكرامتها ليست ملكها خصوصا

بالمجتمعات العربية .. للفتاة حقوقها وكرامتها وانسانيتها فتعلمت وتفهمت ما لها وما عليها

الا انها في بعض الاحيان تنساق وراء كلمات معسولة من ذئب شرس كل همه ان يفتك

ويفترس بعرض هذه وتلك من البنات.. متناسيا ان له أخوات وام وخالات وعمات
والكثير من الاقارب البنات

ما هو مفهوم شرف الفتاة لديك .. ؟؟

ما رأي الشاب الذي يغازل وفي لحظة يري اخته في نفس الوقت موجودة مع شاب غريب فتثور ثائرته .. ؟؟

واذا كنت تمنع اختك من تكوين صداقة مع شاب

( يصبح عدوك لو انك عرفت ذلك عن اختك)

فلماذاتقبل ذلك على نفسك؟

وكأن بنات الناس لعبة واختك فقط هي الانسانه .. ؟

سؤالنا ايضا للبنات : هل تقبيلن لنفسك ان تكوني علكة فى فم كل شاب يتباهى امام
اصدقائه بانه يضحك عليك وفعل معك كذا و كذا .. ؟

انت عندك حق فى كلامك مليون الميه
بس يا بنات انا بس بتمنى انكوا تعرفوا ان مش كل الشباب زى بعض ولا كل البنات زى بعض
بعنى مش كل الشباب كل يوم مع واحده ومش كل البنات بتسمح لنفسها بكده
اه معاكى ان ده الغالب فى مجتمعنا بس مش كله كده
فانا واحد من الناس اللى مش عندوا هوايه صداقات البنات لانى عارف ان ده هايحصل فى اخواتى البنات لو انا عملت كده فى بنات الناس
وليه دايما بنقول ان الشاب هو اللى لعوب انا حبيت واحده وعرضت عليها الارتباط الرسمى رفضت وكانت الحجه انها عايزه تجرب الحياه مع اكتر من واحد
وطبعا كل البنات مش كده

وانا من وجهه نظرى ان الشباب اللى بيستحلو سمعه بنات الناس وبيثور لو فكر ان اخته ممكن تعمل كده
بيكون عنده نقص او كبيت فبيخرجه فى الحاجات دى المعروفه باسم الصداقه
وكمان ممكن تكون اخته وقعت فى ايد شاب زيه وليها صديق من غير ماهو يعرف
وربنا بيجزى كل واحد على اعماله

اسف للاطاله بجد لان الموضوع كتييييييييير مهم
وشكرا ليك

بجد الكلام صح
انا على طول بسمع كدة بس البنات هم اللى بيعملوا فى نفسهم كدة الشباب مش ضربهم على ايداهم هم البنات اللى بيعملوا بمزعجهم صح وكمان زيى ما كيمو قال مش كل البنات كد وصحيح مش كل الشباب كدة والموضوع بجد جامد لانى هو اللى بيحصل فى الحقيقه وتسلم ايك يا قمر

مش شرط يا كيمو ومش حكايه انه انت بترفض تكلم او تصاحب بنات عشان اخواتك

اكيد كلنا في ايام الدراسه لينا اصحابنا اللي بنحب نكون معاهم

وبتستمر صداقتنا حتي بعد الدراسه

ومش ديه المشكله انك تكلم او لا ولكن ازاي هتكون طريقه كلامك او التعامل معاهم ..؟

المهم انك تخاف الله فيهم وفي طريقه تعاملك معاهم

ما دمت بتخاف عليهم زي اخواتك ربنا هيجازيك كل خير وهيقعده ليك في اخواتك واولادك مستقبلا

وبالنسبه للبنت اللي طلبت انك تتقدم ليها

سوري في كلامي

ديه انسانه معندهاش مبدا واخده الحياه لهو تسليه

والنوع من البنات ده كتير مش في ايديناا غير ان نقول ربنا يهديهم

بجد في ناس كتير بتفكر بطريقه غلط

وفي بنات غاويه انها تتعرف علي اكثر من شاب وكلهم بتدعي عليهم الحب

وانا شفت كتير كده

بجد الواحد مش عارف يقول ايه غير الله المستعان ان يرحمنا من اللي بيحصل

ويرحم بنات وشباب المسلمين ويهدي الجميع

ميرسي كتير ليك كيمو علي مرورك ورائيك

تقبل ودي واحترامي

دمت بكل خير

فعلا اختي الحزينه اي واحده بتعمل بمزاجها

بس

في بنات بتكون عندها ضغوطات في حياتها ومشاكل وممكن مع اهلها كمان

ممكن تلجا لي صديق او تدخل الشات بغرض انها تهون علي نفسها

ولكن هذا اكبر خطا يرتكبه الجميع

ولنعلم ان الحياه الاسريه لها عامل كبير علي نفسيه الاولاد

لو اتكلمنا في الموضوع ده هنتكلم كتير اوي

واتمني الجميع يتفاعل واسمع ارائهم

تسلمي ياقمر علي مرورك

تقبلي ودي واحترامي

دمتي بكل خير

احنا لو اتكلمنا عن موضوع المعكسات وشوفنا الحق على مين

هنلاقي الكلام كتيييييير ةالأراء اكتر

لكن الكلام في الموضوع دة بينحاز تحت اطار ليه الشباب بتعصب

وبتتحمق لما اخته بتتعاكس واو تعمل صداقة مع شاب بالجامعة او على النت

وبتطلع روح الرجولة في الوقت دة

طب ليه ما كل البنات وخواتك واهل بلدك لاااازم تحافظ عليهم

ليه منحافظش علي بنات الناس عشان الناس يحافظوا على بناتك

ليه مش بنخاف عليهم زى ما بتخاف على خواتك

احنا شرقيين وطبعنا صعب وبنختاف على بناتنا

بنفتكر الجملة دى لما حد يجي يمس بنتنا بكلمة أو معاكسة

وبننساه خااااااااالص لما نيجي نعاكس ونعمل حركات تضاي البنات

بجد ياريت الشباب يحطوا مخافة ربنا بين عنيهم ويحكموا على نفسهم قبل ما يحكموا على غيرهم

ولو البنت لقت اخوها واقف جنبها وبيشاركها الرأي ويكون صديق قبل الاخ

ساعتها هتتقرب منه ويعطيها الثقة الكااااااملة للحفاظ على نفسها من الشباب ومن أي صداقة

مش هتحتاج أنها تلجأ لاي صديق

موضع يحتاج أرااااااء غاليتي

تحياتي وتقديري

فعلا كتييير من الولاد بيفكروا كده انا اعمل الي انا عيزة واجرح اي واحدة واصاحب اي واحدة ده شئ عادي
انما يجي لحد اخته واستوب لا او بنته او حد من اهله
ومفروض الي ميرضهوش لنفسه ميرضهوش لغيره لان كما تدين تدان
شكرا علي الموضوع الرائع تقبلي مروري