الشيخ صالح أمبراطور ال ART إلى متى !!!!!! ؟؟

احبائى اعضاء المنتدى كل سنه وانتم طيبين ان شاء الله نشوفكم فى 2010 بخير
خلصت كاس العالم وطلعت اوحش من اللى قبلها واللى قبلها كانت اوحش من اللى قبلها
للأسف لامتعه ولا إثاره ولا نجوم طلعت فى نجوم نزلت بس وراحت
كأس عالم بلا روح المفروض تتسمى كده مفيش اى مجهود من اللاعبين الكبار شفنا هونرى
رونالدينيو رونالدو ريكلمى كله كله كان خارج الخدمه طيب وايه الحل تخيل بعد موسم شغل طويل
جيت خدت شهر اجازه تستريح جه المدير قالك تعالى لغينا اجازتك هيكون شعورك ايه
طب وعطائك للشغل هيكون اد ايه هو ده بالظبط اللى بيحصل مع اللاعبين فى كاس العالم باختصار.
------------------------------------------------------------------------------------------------------------------
فين المفاجأه اللى سمعنا سعادة الشيخ صالح بيه كامل بيتوعد بيها الناس فى نص كأس العالم
اللى بيحصل فيه ده حلال والله . ليه انت الوحيد ياشيخنا اللى قارف الناس المشتركين بإعلانات عن القطه دى
بتاكل فى امان وجايب قطه مضروبه شلوت, ويجيب عمرو خالد يقول للناس حرام اللى للاسف نزل من عينى كتير
لما يقول للناس بلاش اشتراكات غير شرعيه عشان القنوات تقدر تصرف على نفسها وتبدع
الله على الابداع المتمثل فى قنوات الافلام والرقص والمسخره والتفاهه ده غير قنوات ستار موفى وورلد وغيره
أما بالنسبه للتغطيه السيئه والمعلقين اللى مستواهم سيئ جدا جدا واستديوا التحليل الذى لايضيف شئ
فالجزيره الرياضيه احسن بكتير الواحد يدفع اشتراكها وهو عارف انه هيحصل على خدمه اكثر من ممتازه
ثم ليه هو تاعب نفسه وكل حاجه مصر او الاهلى يلعب فيها ياخدها حصري ليه خد دورى الابطال الأفريقى ؟
ليه خد المجموعه التالته من تصفبات كاس العالم بالذات ليه اول حاجه يحصرها كانت اول كاس قارات تشارك فيها مصر
هو فى حد يقدر يستعبط المصريين اسأل السوفت وير اللى مالى الرسيفرات اسال نسخ الويندوز اللى مالهاش عدد فى جهاز كل واحد
حد يجى ياخد من واحد مصرى متش لفريقه ويقولى ادفع لتشاهد ويسيبه دول المصرين البطاريه بتخلص يطلعها يعضعضها ويحطها تشتغل تانى
حد فى اليابان واللى اى دوله اخترعت الحجاير توصلت لحل للاكتشاف العبقرى ده
يقولوله طب والغلابه يقولك اللى الحكومه بتاعته مش قادره توفره اكله مايتفرجش على ماتشات يعنى هاتبقى انت والحكومه عليه
انت عايز تضايق المصريين وماتفرجهمش على ماتشات
استحمل اللى هايجرالك
واشمعنى هو اللى زعلان ان قنواته بتتسرق طب مافى اوربت وشو تايم والجزيره ولا عشان متشين واستديو ممدوح بيه
اللى كل اللى بيتصلوا بيه جماهير عريضه من جماهير الوصله
الاستاذ معلق متش النهائى بعد اما صدعنا طول الماتش خدته الحماسه ساعة رفع الكاس اكيد لمنظر التنظيم الرائع
وقعد يشكر معلقين القناه وفنيين القناه وسواقين القناه بتشكرهم على ايه على انهم هما اللى نظموا البطوله ولا على ان فريق عربى كسب بدل مايبكى على حالنا وانكساراتنا فى كل المجالات مش فالحين فى حاجه بنشجع لاعيبه كفره ودول بتتربصلناوانت فرحان وبتهلل .
ربنا معاك ياشيخ فى حربك ضد الوصلات الصليبيه وان شاء الله قناة الاهلى تنزل عندنا فى الوصله
والف مبروك لعشاق الازورى وفوز مستحق بكأس العالم لرابع مره

» راى الشيخ محمد حسان فى قرار الشيخ طنطاوى بمنع النقاب فى الجامعات
» رمزى صالح قلب الأسد
» كيف تستطيعين الفوز بزوج صالح ؟