احمد اسماعين<الحلقه الثالثه>

دخل الكتاب...

اتعلم فك الخط وسابه ف"سوره عبس".
ولحد ما بقى سنه اتناشر.
كان احمد حاجه منسيه فى ابنود.
وعرف من صغره ان اليوم..ليه اكل.
وان الاكل لازم له شغل.
وان حصول الفقرا ع القرش...صعيب.
عاش وحده فى البيت الضلمه...
المبنى بوص...وبجواليص الطين.
وايدين والده:سماعين".
كان له فى البيت اصحاب .
جره..وفرن..وبير..
وصورتنين ع الحيط "لابو زيد"..ودياب..
كانت خالته نفيسه"البس".
بتغيب وتغيب..وتنط الحيط.
وتدور على احمد وتعس.
تغسل له التوب الدمور.
تملاله اللمبه جاز.
علشان ينعس فى النور.
من سن احداشر عرف الفاس .
من سن تلتاشر..جر الشواديف فى غيطان الناس.
طول عمره ما قالشى لا.
يعزق فدان ارض فى عز الشمس.
ويمشى ورا بقره مربوطه فى ساقيه طول اليل .
يعرق فى اليوم بجنيه.
ويندغ مر المواويل.
واتنقل احمد سماعين فى كل وظيفه ف ابنود.
"جازر"..جانبى قطن..خولى.
نفر فى جميع انواع التراحيل.
من صغره..عرف الشق طريق كفه.
من صغره اتعلم قلع الشوك من رجليه.
وان سال الدم
يكسب قلب الجرح "رماد الفرن" عشان يداويه.
والحق كمان يتقال...
ان احمد عمره ما مد ايديه..
وعشان ده .
عمره ماحاش كلمه .
كان شايف انها لازم تتقال.
واحمد سماعين .
لا يذكر انه لعب وسط الاولاد...
بل والى فاكره كمان .
ان طيله عمره ما كانشى اولاد.
واذا جيت تسال احمد...
عن ليه مالعبش ايام ماهو كان عيل..
على طول حيرد عليك...
والضحكه فى نص عنييه.
والدمعه فى ن عنيه:
"اه يابو الخالو
ليه هو انت متعرف؟.
مش اول امى ما ولدتنى
لغوا الاولاد؟"
............................
اما عن " اليوم"الى ابتدت الناس فى ابنود
تعرف احمد سماعين..
فلده برضه حكايه ...
حنكيها شويه قدام.

يعطيك ربي الف الف عافيه علي اسلووووبك الجميل

والاختيار الجيد للحروووف والمعاني

واحساس جميل وكلماااااات خاااارجه من قلب مووولع

تقبل تحياااااتي

------------------------------
لا تبكى نفسى على شئ قد ذهب
ونفسى التى تملك كل شئ ذاهبه
اذا اردت ان تعرفنى فسأل عنى الأحزان
فالحــــــــــــــــــــزن دوما عنوانى
الـــــــــــــــــــــــوفاء مشـــــــــــــــــــكله
أمــــــــــــــــــــير العـــــــــــــــــــذاب المصـــــــــــــــــرى

رائع رائع جداً

موضوع بمنتهى الروعة والأبداع

اتمنى لكي التوفيق والمزيد...

ومشكورة على تعبك وبتستحقي اكتر من هيك...

شكرا لك يا احلى سوريه بالوجودو
شكرا على مرورك

موضوع متميز

اتمنالك المزيد

» احمد اسماعين للابنودى<الحلقه الاولى>
» احمد اسماعين
» احمد سماعين<الحلقه الثانيه>