admin
{{ مؤسس المنتدى }}
رقم العضوية : 1
عدد المشاركات : 5504
تاريخ الميلاد : 04/02/1976
العمر : 48
انت بلدك ايه : القاهرة
انت بتشتغل ايه : نظم المعلومات
انت مرتبط : الحمدلله
مزاجى اليوم : 
الدولة : 
الوظائف : 
هواياتك ايه : 
الاوسمة : 
النقط الى عندك اد ايه : 22811
كفاءة شغلك فى المنتدى : 199
انت شرفت امتى المنتدى : 23/02/2007
 |  موضوع: احنا بنشترى راجل  الجمعة 22 يونيو 2007, 6:28 pm | |
| مصر الفرعونيهبابا انا عايز اتجوز اختى حت حورخلاص يا ابنى خليها تنقل حاجتها فى قوضتك .. وابقى هاتلها حجرين صوان هدية.. مبروك يا تاح [ندعوك للتسجيل في المنتدى أو التعريف بنفسك لمعاينة هذه الصورة] ............ ......... .....مصر فى عصر الرومانتتجوزينى يا افروديت[ندعوك للتسجيل في المنتدى أو التعريف بنفسك لمعاينة هذه الصورة] اتجوزك يا بانسيلوسيللا بينا نبنى كوخ ع البحر ونعيش هناكيللا[ندعوك للتسجيل في المنتدى أو التعريف بنفسك لمعاينة هذه الصورة] ............ ......... .......مصر بعد الفتح الاسلاميولدى خالد يا شيخ احمد بيريد يتجوز ابنتك البكر الكريمة .. وبيبنى خيمة .. ويقدم مهر بعيروالله خالد ولدك زين الرجال .. وايش اتمنى غير رجل صالح يكون زوج لبنتى .. وكما قال رسول الله صلى الله عليه وسلم " ان جاءكم من ترضون دينه وخلقه فزوجوه .... قيموا الافراح............ ......... ......مصر 1919انت ح تتجوز بنت الحاج عبد الجليل .. انا كلمته خلاص ووافق .. وضب قوضتك وهات خلخال .. فرحك يوم الخميس اللى جاىطب مش اشوفها الاول يا باباانت اتجننت يا ولد تشوفها ده ايه .. انت ح تتجوز والا تخبصحاضر يا بابا............ ......... ........مصر 1960بقى يا ستى بنتك آمال جالها عريسياألف نهار ابيض يا ألف نهار مبروكجدع طيب وابن حلال موظف فى الحقانية .. وماهيته مش بطالة .. اهو يبنوا حياتهم سوا بعد الجواز.. والا ايه رأيك يا أم العروسة؟الرأى رأيك يا أبو العروسة[ندعوك للتسجيل في المنتدى أو التعريف بنفسك لمعاينة هذه الصورة] .. والله العيال ح يعجزونا يا ابو محمدفشر .. تدبل الوردة وريحتها فيها يا نرجوستى[ندعوك للتسجيل في المنتدى أو التعريف بنفسك لمعاينة هذه الصورة] ............ ......... .........مصر فى عصر الانفتاحاخرسى يا بنت [ندعوك للتسجيل في المنتدى أو التعريف بنفسك لمعاينة هذه الصورة] ... انا اللى يتجوز بنتى لازم يكون عنده شقة تمليك وعربية وسوبر ماركوبس يا ماماما فيش بس[ندعوك للتسجيل في المنتدى أو التعريف بنفسك لمعاينة هذه الصورة] .. انا وابوكى قبل ما يموت فى الحرب كانت بتعدى علينا ايام ما بنلاقيش ناكل .. انا يا بنتى مش عايزاكى تتعذبى زى ما احنا اتعذبنا .. انتى ح تتجوزى فتحى ابن خالتكبس انا مش بحبه يا ماما[ندعوك للتسجيل في المنتدى أو التعريف بنفسك لمعاينة هذه الصورة] الحب ما بيأكلش تونة فى الزمن ده يا فالحةامرك يا ماما[ندعوك للتسجيل في المنتدى أو التعريف بنفسك لمعاينة هذه الصورة] ............ ......... ...مصر 2007المشهد الاولنهار خارجى ... احد الكافيتريات المغلقة ... موسيقى هادئة تملا المكانحسن : يا حبيبتى انا مرتبى 250 جنية بعد الضرايب والمستنقعات .. وبعد الشغل بحاول اعمل اى مصلحة يعنى باصفى فى الشهر حوالى 400 450 ... وما عنديش شقة ومش محوش ولا مليم .... اهلك عمرهم ما ح يوافقوا بيهاحلام : ياحسن يا حبيبى بابا وماما متفاهمين جدا ... وما يهمهمش غير سعادتى ... الفلوس دى آخر حاجة ممكن يتكلموا فيهاحسن : انتى شايفة كده ... ماشى .... حددى لى ميعاد مع باباكى الجمعة الجاية الساعة 6............ ......... ......... ......... ..المشهد الثانىفى منزل احلام ... منزل قديم .... فرش متواضع جدا .. يجلس الاب الذى يبلغ من العمر الثالثة والستين .... وبجواره العم 55 عاما ... والخال 56الخال : منورنا والله يا استاذ حسنحسن : ده نورك يا عميالاب : فين الشاى يا ام احلامام احلام من بعيد : جاية اهه يا ابو احلامالاب : ها يا ابنى .. ح تدفع كام وتشيل[ندعوك للتسجيل في المنتدى أو التعريف بنفسك لمعاينة هذه الصورة] حسن : اللى تأمر بيه يا عمىالاب : الامر لله يا ابنى .. احنا مش طالبين كتير .. شقة تمليك فى اى حتة تكون نضيفة .. ومهر 25 الف جنية يا دوب ده احنا ح نحط ادهم مرتين علشان نجيب العفش وانت ح تجيب الاجهزة والسجاد وحاجة المطبخ والستاير والذى منه .. وح تجيب شبكة بزيهم .. طبعا انت عارف ان الدهب غلى يعنى مش ح يجيبوا حاجة بس انت وذوقك بقى .. مش كده والا ايه يا ام احلامام احلام : آه يا أخويا دى عفاف بنت خالتها خطيبها جايبلها شبكة بخمسين الف جنية .. ده غير الاجهزة الحديثة اللى جايبهالها معاه وهو جاى من السفرالاب : اما الفرح فى قاعة صغيرة بس طبعا لازم تساع الحبايب واحنا حبايبنا كتير .. والقايمة والمؤخر طبعا انت سيد العارفين .. وفى الاول والآخريا ابنى .. احنا بنشترى رجالةحسن : بس يا عمى انا ممعاييش المبالغ اللى حضرتك بتتكلم فيها دىالاب : اللى ممعهوش مايلزموش يا ابنى .. واحنا فى الاول والآخر بنأمن لبنتنا حياة سعيدة .. امال عايز تاخدها رخيصة والا ايه؟حسن : يا عمى لو بنتك رخيصة ما كنتش خبطت على بابكم .. وسكك الغلط فى الزمن ده سهلة .. واكتر م الهم ع القلب .. وبعدين احنا ممكن نلم الدور .. وحضرتك عارف ظروف الحياة اللى بنعيشها .. وانت لسه قايل بعضمة لسانك ان كل حاجة غليت .. والظاهر ان الانسان بس هو اللى عمال بيرخصالاب : قصدك ايه؟حسن : قصدى يعنى دبلتين .. وشقة قانون جديد على قد الحال .. ومهر ربع جنية .. واجيب انا عفش بيتى على قد فلوسى .. وفرح بسيط مش بهرجة ورقص ومسخرة .. ده احنا بنبتدى مع بعض علاقة نضيفة .. اجيب كمبيوتر اجيب تليفزيون .. اجيب تلاجة صغيرة والا كبيرة .. فى الاول والآخر احنا اللى ح نستعملها .. ولو باظت اكيد انا برضه اللى ح اجيب غيرها مش ح آجى واقولك هاتلى .. وحضرتك ممكن تاخد رايها على الكلام دهالاب : انت جاى تشتمنى والا ايه[ندعوك للتسجيل في المنتدى أو التعريف بنفسك لمعاينة هذه الصورة] ؟ .. احنا ما عندناش بنات تمشى كلامها على ابوها .. الظاهر انك جيت البيت ده غلطحسن : لا ياحج انا طبعا ما جتش غلط .. بس ممكن اكون عايش فى زمن غلط .. مع ناس مش عايشة فيه .. وبعدين هو مش حضرتك مصرى برضه .. ومسلم طبعا ؟ .. يبقى انا ما جتش غلط .. انت اللى قاعد غلط وبتتكلم غلط فى غلطالاب : احترم نفسك يا ولد[ندعوك للتسجيل في المنتدى أو التعريف بنفسك لمعاينة هذه الصورة] حسن : بلا احترم نفسى بلا نيلة بقى .. احترموا انتوا ظروفنا اللى انتوا حطتونا فيها .. احترموا انتوا دينكم اللى بتعتقدوه وبتعلموهولنا .. احترموا انتوا عقولنا بكلامكم اللى مالوش اى علاقة لا بالعقل ولا بالواقعالاب : اطلع برة .. ده انا عمرى ما ح اجوزهالك حتى ولو على جثتىحسن : حتى دى كمان غلط .. ولا تمت للحقيقة بصله .. والحدق يفهم .. سلامو عليكو............ ......... ..يخرج حسن من منزل احلام .. يسب ويلعن ويضرب الارض بقدميه .. بعد قليل يدق جرس هاتفه المحمولحسن : ايوةاحلام : ايه يا حسن اللى انت هببته مع بابا دهحسن : باباااااااااااا .. انا ماشفتش بابا يا طنط .. انا شفت نخاس بيبيع جارية فى سوق العبيد .. شفت جزار بيبيع معزة للى يدفع اكتراحلام : ايه يا حسن الكلام ده انت بتغلط فيه .. طب وانا ذنبى ايه .. انا مش عايزة فلوس ولا دهب ولا حتى غسالة عادية .. هاتلى طشت ياحسن .. هاتلى قلة .. مش عايزة غير عشة وانسان احبه ويخاف علية واخاف عليه .. واظن ده من حقى انا مش مراهقة ولا طفلة .. انا عندى اربعة وعشرين سنة ...يعنى اقدر اتحمل مسؤلية قرارى .. واختار الانسان اللى ح يعيش معايا حياتى كلها تحت سقف واحد ... اهىء اهىء اهىءحسن : خلاص بقى بطلى عياط حقك علية .. معلش انا كمان زعلان من اللى حصل واعصابى مشدودةاحلام : طب وح نعمل ايه دلوقتحسن : العمل عمل ربنا اللى مايرضيهوش اللى بيحصل ده .. ده حتى حرام وظلم وافترااحلام : طب ايه رايك يا حسن .. لو اسم نفسى كده وكده .. وتيجى تنقذنى ونتجوزحسن : لا اااااااا .. انا فى عرضك .. الا ما الحقش انقذك وتروحى فيها .. وبعدين كده تبقى روميــو وجولييت .. وانا ما ينفعش انهى القصة عليها .. ستين واحد ح يخش يقولى يا حرامى .. دى نهاية مفقوسة وقديمة حتى اسأل جدو شكسبيراحلام : طب ح نعمل ايه يا حسن؟حسن : اهو كل واحد يقفلها براحته .. انا قلت اللى عندى خلاص | |
|
admin
{{ مؤسس المنتدى }}
رقم العضوية : 1
عدد المشاركات : 5504
تاريخ الميلاد : 04/02/1976
العمر : 48
انت بلدك ايه : القاهرة
انت بتشتغل ايه : نظم المعلومات
انت مرتبط : الحمدلله
مزاجى اليوم :
الدولة :
الوظائف :
هواياتك ايه :
الاوسمة :
النقط الى عندك اد ايه : 22811
كفاءة شغلك فى المنتدى : 199
انت شرفت امتى المنتدى : 23/02/2007
| | موضوع: رد: احنا بنشترى راجل الجمعة 22 يونيو 2007, 6:35 pm | |
|
----------------------------
ايه ياجماعه رايكم في اللى بيحصل لينا دلوقتى ونفس مشكله حسن وأحلام هي مشكلة اغلب الشباب وياتري الحل فين وفى ايد مين
| |
|
امير العذاب المصرى
{{ كاتب متميز }}
عدد المشاركات : 428
مزاجى اليوم : 
الدولة : 
النقط الى عندك اد ايه : 18708
كفاءة شغلك فى المنتدى : 0
انت شرفت امتى المنتدى : 01/04/2007
| | موضوع: رد: احنا بنشترى راجل الجمعة 22 يونيو 2007, 6:58 pm | |
| شفت نخاس بيبيع جارية
ى سوق العبيد .. شفت جزار بيبيع معزة للى يدفع اكتر000
صدقت فيما قلت 00اه والله هما دول أبهات اليومين دول0 أنا شخصيآ مريت با التجربه ديه000 شكرآ كتير يا عم الراجل000
الــــــــــــوفاء مشـــــــــــكـله اميــــــــــر العـــــــــــــــذاب المصـــــــــــرى
| |
|
magic
{{ نجم نجوم المنتدى }}
عدد المشاركات : 366
مزاجى اليوم :
الدولة :
النقط الى عندك اد ايه : 18810
كفاءة شغلك فى المنتدى : 0
انت شرفت امتى المنتدى : 26/02/2007
| | موضوع: رد: احنا بنشترى راجل السبت 23 يونيو 2007, 6:03 am | |
| الحل فى ايدين الزمن لانه للاسف بيتغير للاسوء وليس للاحسن فعلاً موضوع جميل جداً واجمل مافيه سرد الحقائق | |
|
محمد مصري2007
{{ نور عينى جديد }}
عدد المشاركات : 1
مزاجى اليوم :
الدولة :
النقط الى عندك اد ايه : 18171
كفاءة شغلك فى المنتدى : 0
انت شرفت امتى المنتدى : 27/09/2007
| | موضوع: رد: احنا بنشترى راجل الخميس 27 سبتمبر 2007, 7:09 pm | |
| مشكورررررررررررررررررررررررررررررر | |
|
admin
{{ مؤسس المنتدى }}
رقم العضوية : 1
عدد المشاركات : 5504
تاريخ الميلاد : 04/02/1976
العمر : 48
انت بلدك ايه : القاهرة
انت بتشتغل ايه : نظم المعلومات
انت مرتبط : الحمدلله
مزاجى اليوم :
الدولة :
الوظائف :
هواياتك ايه :
الاوسمة :
النقط الى عندك اد ايه : 22811
كفاءة شغلك فى المنتدى : 199
انت شرفت امتى المنتدى : 23/02/2007
| | موضوع: رد: احنا بنشترى راجل الجمعة 26 أكتوبر 2007, 6:23 pm | |
| مشكور على مروركمالذى انار صفحتى اتمنالكم المزيد | |
|
