احمد اسماعين للابنودى<الحلقه الاولى>

احمد سماعين
ساعه م الشمس كانت خارجه..
من بوابه"ابنود" الغربيه..
والضى الاصفر .
اشبه بغبار فيتاه اقدام عسكر.
قطعوا الدنيا...ونزلين ورا جبل ابنود..
كانوا ناس راجعين.
وهنا..للمغرب..ريحه وصوت..
كله بيتتاوى...
ولاد يسرقوا..
رجاله ماليين باطهم برسيم .
وبنات بيملو الوز من الترعه للدار.
والاكل ييجهز ع الكوانين.
والدخانه نافره من كل سقوف الدور..بوص.
وريحه التقليه...
وآدان.."الشيخ سعفان".
كله مروح.
الزارع رمى فاسه ف غيطه..
والتاجر قفل الدكان.
الشمس بتتدحرج ع البلد الى فيها الليل.
نسمه بتخلى النخل يميل.
ابتدت النجمه الاولانيه تبان.
ابتدا صوت الضفدع ..ورنين الطواحين.
ابنود..
بجميع سواقيهاوناسهاونجومهاونسايمها.
بتكوع فى ساحات اليل.
الا"احمد سماعين".
مركب افكار عايمه ف راسه.
وعمال تتطوح فيها شمال ويمين.
تايه..ومكتم على الامر.

من سابع دار.
تسمع صوت الافكار.
فى دماغ"احمد سماعين"المندار.
وكان ف راسه حلقه ذكر.
اول مره احمد سماعين.
بيخوض بهدومه ف شغل البال.
اول ليله...ماتغمضلوش عين.
الفكره المجنونه بتجرى جوه دماغه زى الوطواط.
تطلع..تنزل..تجرى..تتكعبل..
تلزق فى سقف الراس.
ولما يحس بانه خلاص ارتاح وعينيه تغفل.
يفلت ويحوم فى دماغه من تانى الوطواط.
"اللهم مخذيك يا شيطان.."
احمد سماعين..
بيتمتم باللى حافظه من القران.
اول ميحس بانه.
مش قد الافكار.
راسه مهروسه بين حجرين.
احمد سماعين م العصريه مش حاسس بالوقت.
ماهو طول عمره مزروع فى تراب ابنود..
اشمعنى الفكره ف راسه.
مش راضيه تمشى..
غير جوه الدرب المسدود؟
"الفين رحمه يابا..
كنت دراع ينجد غرقان.
وانا غرقان يابا فى بحور الخوف وفعدم الصبر.
ولدك غرقان يابا.
محتاج كلمه..
حن عليه واطلع من القبر"
مسكين يا احمد..
خرم ابره اوسع م الدنيا فى عينك.
ماتبصش..
ايه الضفدع ..وكلاب اليل..والضلمه.
والطواحين ...حواليم؟
والله ووقعْت ف ايد الهم الناشفه يا بو سماعين.
حاول تنعس..
والصبحيه ليها عدل.

يا سلام على أبو اسماعين والله رجعتينى يا كتكوته للزمن الجميل

اتابع بأهتمام شديد كل مواضيعك ونرجو المزيد شكرآ كمان مره

أمــــــــــــــــــير الـــــــــــــــــــــعذاب المصـــــــــــــــــــرى

الـــــــــــــــــــــــــــــــــوفــاء مشـــــــــــــــــــــــــــــكـلـه

/A

شكرا لك انت على الرد الرقيق ده والله كلامك بدينى دافعه للامام وانتظر الحلقه القادمع لاحمد اسماعيل

موضوع متميز

اتمنالك المزيد

موضوع رائع يا كتكوتة ربنا يوفقك

» احمد اسماعين<الحلقه الثالثه>
» احمد سماعين<الحلقه الثانيه>
» قصيد بغداد للابنودى