دبح .. هدم ... دم ولحم .... قوم يا رجل شوف

[color=maroon]هزت بعلها النائم فنهض مفزوعا و سألها فيه إيه؟ فقالت: قوم يا راجل شوف التليفزيون دول جايبين صور حلوة لرجالة كتير محروقين..قال الرجل بصوت خافت:بكرة أشوفهم فقالت له:يا راجل حايفوتك نص عمرك دول جايبين عيال مدبوحين .. يا حرام .. فرد الرجل قبل أن يغط في نومه :بكره يدبحوا غيرهم وابقى أتفرج عليهم بس سيبيني أنام. غيرت الزوج القناة الى أخرى تذيع الملحمة النضالية الخالدة مهمة في تل أبيب فأيقظت زوجها و قالت:هم الفلسطينيين ما يستوردوش نادية الجندي ليه و هيه تخلص لهم على إسرائيل في ساعتين؟ فرد الرجل بضيق:اصل نادية الجندي للاستعمال المحلي بس و سيبيني أنام. غيرت الزوجة القناة الثانية فطلع لها عبد العظيم رمضان .. و بعد قليل صاحت في زوجها :قوم اسمع .. كاد الرجل يبكي و هو يقول أبوس أيدك سيبيني أنام عندي شغل بكره الساعة11 الفجر فقالت له اصل الراجل ده بيقول: كان عمل طايش .. فسألها بضيق :وأنت مال اهلك هو كان أبوك اللي ضربها؟ عادت الزوج لمتابعة ما يحدث في فلسطين و قالت لبعلها: قوم أتفرج .. اليهود بيهددوا المسجد الأقصى و الفلسطينيين موش قادرين عليهم. أدار البعل وجهه والقى نظرة بطرف غينيه على التلفاز و قال: يستاهلوا حد قالهم ما يسمعوش كلام السادات؟ فسالت الزوج: يعني إيه؟ فأجاب يعني لو كانوا سمعوا كلام السادات كان [color:8f32=maroon:8f32]الأقصى أتهد من عشرين سنة و كان زمان الموضوع أتنسي.