هل انت مريض نفسي؟ ( بلاش انت ) هل انا مريض نفسي؟ تعالي نشوف

طبعا انا عارف ان كتير مننا هايدخل يتفرج علي الكلام ويخلع برا برا بسرعة من غير ولا كلمة . وكل واحد فينا بيقول لا طبعا انا عاقل . مريض نفسي ايه و جنون ايه هي الحكاية نافصة؟
دايما بنتكلم علي المرض النفسي كانه ايدز ولا جذام . المفروض احنا متعلمين وفاهمين ان المرض النفسي ما هوا الا اضطراب في وظائف كيميائية في الخلايا العصبية .
يعني لو انا عندي برد او انفلونزا ماعتقدش الناس هاتخاف وتبعد بس لو الادمن مثلا مثلا يعني عرف ان فيه واحد مجنون في المنتدي ههههههههه زي انا مثلا هاتبقي كارثة و مش بعيد يبلغ عني مستشفي الامراض العقلية.
بعدنا عن الموضوع؟ ماعتقدش لان اول خطوة ان انا اتخلي عن الاحساس بالخوف والقشعريرة لما اسمع كلمة المرض النفسي او الطبيب النفسي .
ثانيا : انتا لاحظت حاجة غريبة في تصرفاتك؟ لا طبعا مش بتعض الناس ولا بتمشي و انتا نايم. قصدي انتا اكيد فاهمه .
ساعات في بعض المناسبات في الافراح مثلا و الكل هايص و فرحان بتكون فرحان زيهم؟ متأكد. كويس
في الاحزان؟ برضوا زيهم؟ رائع.
طيب لما بتكون لوحدك بتفكر في ايه؟
هو صحيح انتا بتخبي بعض الافكار عن نفسك؟ لا؟ طيب ليه؟
اه؟ برضوا ليه؟ ( خايف من المواجهة ؟)
لما بتقابل مشكلة جامدة بتفكر فيها ازاي ؟
تعرف ايه عن الامراض النفسية؟
اعتقد ان الثقافة الطبية و بالاخص النفسية مهمة جدا لينا و لولادنا .
يعني ايه ( اكتئاب - وسواس قهري - رهاب اجتماعي - اضطراب وجداني ثنائي القطب - زيادة الكهربا في المخ)؟
معلومات بسيطة ولكن مفيدة يا سيدي انتا لو مش تعبان يبقي ممكن تفيد واحد مجنون زيي او لا قدر الله ابنك او بنتك ممكن يظهر عليه عرض من اعراض احد الامراض النفسية ديه يبقي لازم تفهم.
عاوز تفهم؟ لما اسمع ردك ابقي افهمك ايه الموضوع.........

هههههههههههههههههه
اولا انت عندك حق فى كلامك
كتير هيخشوا الموضوع ولا يقروا كلمة وكمان فى اعضاء بتخش تلاقى كلام بتطلع
فيه صور مابيلقوش الصور يخرجوا وفى اعضاء بتخش ترد مشكور برضه من غير ما تقرا ولا كلمة

احنا وصلنا للجهل ليه مهو بهذه الاسباب
لو لقوا موضوع تافهه ممكن يردول ويتفاعلوا للاسف

كلنا على فكره مرضى نفسيين والى يقول غير كده يبقى محتاج يروح مستشفى المجانين مش مصحه للعلاج النفسى

كل واحد لما بيقعد مع نفسه بيكلم نفسه وبيفكر فى حاجات غريبة وممكن يعملافلام وتمثليات وهمية

ومن المعروف كمان ان الامراض النفسية تنتج عن صدمة او فراغ او ممكن من الطفولة
او الازمات الاقتصادية فى وممكن كمان سن البلوغ وسن القعود وسن الشيخوخة أو عند الزواج أو الإنجاب أو الانتقال من بيئة إلى أخرى أو من نمط حياة إلى نمط حياة آخر
وإن أطباء النفس يدركون أن الإيمان القوي والإستمساك بالدين والصلاه كفيله بأن تقهر القلق والمخاوف والتوترات العصبيه
و جميع الإضطرابات بإذن الله الا بذكر الله تطمئن القلوب
ويقول أحد الأطباء : إن المرء المتدين حقا لا يعاني مرضا نفسيا قط والموضوع كبير اوى وبجد محتاج وقفة
موضوع رائع زيك

تمام يا برنس البرانيس.
موضوع ان المؤمن لا يصاب بمرض نفسي هممممم انا معاك في موضوع ان القرب من ربنا و الصلاة والتسبيح بيخرج الشحنات المكبوتة وبالتالي هايساهم بس انا ليا وجهة نظر مع احترامي .
هل فعلا المؤمن لا يصاب بالبرد و الانفلونزا ؟ بلي؟ يصاب؟ يبقي اذن يصاب بالمرض النفسي . اولا المرض بلاء و المؤمن مبتلي و المرض النفسي مش معناه بعد الانسان عن ربه لا بالعكس دا ممكن يكون تحذير او توجيه من ربنا لان المريض النفسي محدش بيحس بعذابه اده هو شخصيا . بالتالي حايحاول يلجأ للناس كلها ومش هايلاقي فايدة إلا لما يرجع لربنا ويساله الشفاء .
هي وجهة نظر .
علي فكرة فيه معلومة جميلة عاوز اشاركها معاك/معاكم
( طبعا عارفين ان الانسان فيه خلايا عصبية بتولد اشارات كهربية يعني موجب وسالب يعني لو زادت يبقي فيه مشاكل وطبعا هاتكون نفسية. الحل الوحيد لتفريغ الشحنات طبعا وضعية معينة بحيث يتلاقي الموجب بتاعنا مع سالب حاجة تانية والسالب بتاعنا بموجب حاجة تانية المهم من الاخر وجد العلماء ان الطريقة الوحيدة لتفريغ الشحنات دي هي الصلاة لان الشحنات الكهربية بتخرج من خمس اماكن من الجسم و هي( اليدين -الركبتين -الجبهة) ولازم تكون في وضع معاكس لاقطاب الشي الاخر ( الشئ الاخر هو الارض و طبعا عارفين ان ليها قطبية مغناطيسية وبالتالي كهربية) وان الوضع الوحيد اللي ينفع هو في اتجاء القبلة لانها فوق مركز الارض.
سبحان الله . مجرد فهم الحقيقة العلمية صعب جدا .
اشهد ان لا اله الا الله وان محمد رسول الله.

مشكور أخي الكريم علي طرحك هذا الموضوع الهام
المرض النفسي ده عند ناس كتير جداا
و ده مش معناه إنهم ناس مجنين أو مختلين عقليا
لكن تعالي نتكلم و نقاش مين هما المرضي النفسين
في حاجات كتير جدااا بعض الناس بتعملها
و بيكون ده تفسيره إنه مريض نفسي
زي مثلا الغيره ممكن تكون مرض نفسي انك تغير علي حد لدرجة الجنون
السرقه ( عند بعض الناس ) مرض نفسي
يعني ممكن نشوف بنت مؤدبه ومن عيله و مستواها المادي جيد جداا و
مع ذلك بتسرق و ممكن تكون بتسرق حاجات تافهة و بسيطه
حب التملك مرض نفسي برده غنك تشوف حاجة في إيد غيرك
و تحاول بشتي الطرق إنك تاخدها منه ولما تاخدها تبقي عندك ملهاش أي قيمه
و حاجات كتير جداااا زي كده
لكن زي ما أنت قولت الانسان إللي قريب من ربنا
أكيد بيعرف يخرج نفسه من اي مشكله بيقع فيها من غير ما يحتاج
دكتور نفسي
مشكور مرة تانيه علي موضوعك الرااااااااااااائع
و تقبل مروري

التعريف :-
الاكتئاب هو شعور الإنسان بالحزن والكدر واليأس وفقدان الاهتمام وعدم القدرة على الاستمتاع بأي شيء سار أو ممتع، فمريض الاكتئاب يفقد الرغبة فى الشهية والإحساس لكل ما كان يشتهيه من قبل بل لا يجد طعم أو لذة لأي شيء فى الدنيا
كما يوجد عدة أنواع من الاكتئاب تنتج عن اضطرابات الهرمونات مثل اكتئاب سن اليأس، أو نتيجة بعض الإمراض العضوية أو نتيجة تناول أدوية معينة مثل دواء الريزربين ومشتقاته.. أو فى حالات الإصابة بمرض عصبي مثل الشلل الرعاش , أو تصلب شرايين الدماغ
ونسبة مرض الاكتئاب هي 5% من تعداد السكان أو تزيد عن ذلك قليلاً

التشخيص
أعراض الاكتئاب وعلاماته عديدة منها:-
الشعور بالحزن الاكتئاب والضيق واليأس وهو ما يطلق عليه المزاج الاكتئابي.
فقدان الاهتمام والقدرة على الاستمتاع بمباهج الحياة.
اضطراب الشهية وفقد الإحساس بطعم ونكهة الطعام فهو يأكل فقط لأنه اعتاد على ذلك.
ويصاحب فقدان الشهية فقدان الوزن.. مع ملاحظة أن بعض مرضى الاكتئاب يزداد إقبالهم على تناول الطعام ويزداد وزنهم بالتالي ولكن أيضا دون الشعور بلذة الطعام كما كانوا من قبل.
اضطراب النوم بالزيادة أو النقصان ولكن الأغلب خاصة فى كبار السن هو الأرق ونقص نوعى وكمي لعدد ساعات النوم مع المعاناة من الأحلام المزعجة والنوم القلق.
تناقص النشاط الحركي والطاقة وشعور المريض بالكسل وسرعة التعب ولكن أحياناً أيضاً يحدث العكس ولكن لا يكون فى صورة نشاط منظم مفيد وإنما فى صورة إفراط حركي وهياج بلا هدف .
صعوبة التركيز ونقص القدرة على التفكير المنظم مما يتسبب فى كثرة السرحان ورسوب بعض الطلاب أو فشل بعض الموظفين فى أداء أعمالهم.
الشعور بالذنب والإثم وعدم قيمة الذات , رغم عدم اقتراف المريض لأي أعمال تدعو لمشاعر الذنب هذه.. ولكنه يرى أنه المسئول عن كل ما يحدث حوله من مصائب وآثام .
كثرة الأفكار عن الموت، وعدم قيمة الحياة، وعبثية الوجود، وتمنى الموت.. بل أحياناً الإقدام على الانتحار فى حالات الاكتئاب الشديدة .
وموضوع الانتحار يجب أن يؤخذ مأخذ الجد عند وجود أى دلالات أو أعراض اكتئاب لأن الثابت أن 15% من مرضى الاكتئاب ينتحرون، وان مريض الاكتئاب إذا صرح أو ألمح بالرغبة فى الموت فانه ينفذها وينتحر بالفعل .

العلاج....
أ - العلاج النفسي :

ويختلف من حالة إلى أخرى (وبالطبع لا بد من التعاون من الطبيب النفسي في هذا الشأن ).
ب - العلاج الدوائي :

تتنوع مضادات الاكتئاب ( والتي لا يجب أن تستخدم إلا تحت إشراف طبيب متخصص ) وتشمل عدة مجموعات منها :
*مضادات الاكتئاب ثلاثية الحلقات Tricyclic antidepressants ومنها دواء التوفرانيل Tofranil وتربتيزول Tryptizol وآنافرانيل Anafranil وأدوية أخرى .
*وجرعات بداية العلاج بهذه الأدوية تكون مابين 10-50 مجم وتصل إلى 150-300مجم يومياً. ويختار الطبيب الدواء حسب نوع الاكتئاب ودرجة شدته وسن المريض وعوامل أخرى تتعلق بالصحة العامة للمريض ونتائج فحوصاته .
*المجموعة رباعية الحلقا ت Tetracyelic antidepressants وتضم دواء ليدوميل Ludiomil وهى ذات فائدة فى علاج الاكتئاب فى كبار السن ومرضى القلب والجلوكوما .
*المجموعة المضادة لأكسدة الأمينات الأحادية ويرمز لها بالرمز MAOI's ومنها دواء البارنيت Parnate ودواء نارديل Nardil .
*مجموعة العقاقير الحديثة المثبطة لاسترجاع السيروتونين .. ويرمز لها بـ S.S.R.I's وهى ذات تأثير فعال فى علاج أنواع الاكتئاب المختلفة.. كما أنها تتميز عن مضادات الاكتئاب الأخرى بقلة الأعراض الجانبية التى كانت تسبب العديد من المشاكل خاصة لكبار السن ، وتشمل هذه المجموعة أدوية : بروزاك Prozac ، فافرين Faverin ، سيبرام Cipram ، سيروكسات Seroxat ، ودواء زولوفت Zoloft .
وبالطبع فإن جميع هذه الأدوية يجب أن لا تستخدم إلا تحت إشراف الطبيب .
و تستخدم جلسات العلاج بالكهرباء فى حالات الاكتئاب الشديدة وعند وجود ميول انتحارية، أو موانع تعيق العلاج الدوائي وهى آمنه وسريعة التأثير كما تستخدم أيضا مع العلاج الدوائي .
طبعا الموضوع شكله معقد بس فعلا مش معقد ولا حاجة . معلومات قيمة لينا كلنا.
مش ضروري نحفظ اسامي الادوية بس ضروري نعرف الاعراض و الاكتشاف المبكر مفيد جدا جدا جدا للحالات المشابهة. اتمني تكونوا استفدتم ولو اكتشفتم خطأ في حديثي ارجو التصحيح و لو هناك معلومة مفيدة يا حبذا لو نتشاركها. للحديث بقية عن نوع آخر من الاضطرابات النفسية ......

» حصريا - مصطفى قمر - مريض بالحب وايوه انته
» حصريا فيلم الدادا دودي موبيل تشبه dvd علي اكثر من سرفر
» نفسي انساها