انت فاكرني هندي ؟؟؟ !!

بقولك ايه يا اخ تشترى منى الساعة دى ب 450 جنيه انا شاريها من فرنسا ب 500 يورو بس انا محتاج فلوس علشان كده ببعها بالسعر ده. فرجنى كده .. ايه ده يا عم انت بتشتغلنى ايه انت فاكرنى هندى ؟!! دى ساعة مضروبة يادوب سعرها 25 جنيه.

تعمدت ان ابدأ المقالة بهذا الموقف الذى كثيرا ما يحدث بين المصريين فى حياتهم اليومية او يحدث مواقف مشابهة ولكن غالبا الرد ما يكون واحد وهو انت فاكرنى هندى؟!! فهذا الرد هو كلمة شائعة جدا فى العامية المصرية وهذا الرد كناية للسذاجة بمعنى اننا كمصريين نرى من وجهة نظرنا ان الهنود شعب غبى وساذج وطبعا هذا الكلام على اساس اننا شعب فهلوي ومينضحكش عليه ويتمتع بأكبر قدر من الذكاء بين شعوب العالم اجمع ولسنا مثل الهنود الاغبياء الذين يتركون افيالهم على اول الشارع كما ندعى فى مصر. ولكن لو فكرنا فى عمل مقارنة بسيطة بيننا وبين الهنود اللذين نسخر منهم ومن سذاجتهم سنجد انهم هم من لهم الحق بأن يسخرو منا وليس هم وحدهم فقط من لهم حق السخرية منا ولكن غالبية شعوب العالم لهم الحق فى ذلك اما عن الهنود اللذين نسخر منهم اذا نظرنا الى ما استطاعوا ان يفعلوه فى 62 سنة من بعد استقلالهم من الاحتلال البريطاني سنجد انهم استطاعوا ان يحققوا الكثير والكثير وبالنسبة لنا فما حققوه بمثابة المعجزات مثل تقدمهم التكنولوجي والعسكري والفني وانما نحن يكفينا انجازات ونسيب الدول الاخرى تاكل عيش هو احنا يعني هناخد زمنا وزمن غيرنا فنحن من يمتلك حضارة 7000 سنة و قلنا هنبني وادينا بنينا السد العالي. و من بعدها حاربنا وعبرنا وانتصرنا وهذا بخلاف 6 بطولات امم افريقيا و واحده ستار اكاديمى على يد البطل الاسطورى المعجزة محمد عطية وكمان ربنا يخلي الاهلى اللى مشرفنا ومفرحنا على طول فلا عيب علينا ان استرحنا قليلا او حتى كثيرا عن تحقيق الانجازات وتركنا مجالا لغيرنا من الدول والشعوب ان تتطور وتتنور وكمان مصر ام الدنيا والجميع يعلم ان الام دائما تريد ان يكون اولادها افضل منها لذلك ومن هذا المنظور تريد مصر ان يكون اولادها من الدول والشعوب الاخرى افضل منها ولا اعتراض طبعا عند المصريين . وبرجوعنا مرة اخرى للشعب الهندى الساذج اريد ان اعرض ما فعله هؤلاء الاغبياء منذ استقلالهم .
اولا: فى مجال تقنية المعلومات يعتبر هذا المجال اسرع المجالات نموا واذهارا بالنسبة للاقتصاد الهندى ويدر على الهند حوالى 13 بليون دولار سنويا.
ثانيا: يحتل الاقتصاد الهندى المركز العاشر عالميا من حيث تبادل العملات.
ثالثا: فى مجال الفضاء اطلقت الهند مركبة فضائية لسطح القمر و بعد عشرين دقيقة من الإطلاق وضع الصاروخ الهندي المركبة التي يحملها في مدار انتقالي حول الأرض، وذلك من أجل القيام بدراسات وتجارب علمية لطبقات القمر وسطحه، وما قد يكون فوقه من مياه ومعادن، ولا سيما عنصر الهيليوم النادر على الأرض، والذي قد يلعب في المستقبل دوراً مهماً كبديل للطاقة.

[ندعوك للتسجيل في المنتدى أو التعريف بنفسك لمعاينة هذا الرابط]

رابعا: التفوق فى المجال الطبى للهند.
خامسا: انتاج الهند لارخص سيارة فى العالم وطرحها فى الاسواق العالمية بسعر 1979 دولار.
سادسا: هو انى لن ستطيع ان استعرض الانجازات الهندية فى مقالة لانها تحتاج ليس مئات بل ألوف الكتب والمجلدات والرسائل والدراسات العلمية كما هو الحال بالنسبة للاخفاقات و نتائج الفشل المصرية هى ايضا يمكن ان تكتب فى ألوف الكتب والمجلدت هذا ان كان من الممكن ان تحصى . بعد هذه الحقائق التى عرضتها يجب ان يصحح الخطأ واذا اردت ان تبين لغيرك انك لست ساذج فيجب ان تقول له " انت فاكرنى مصرى ؟!! " اخيرا اريد ان اوضح انى لست ناقم على مصر او كاره لها وانما عشقها يسرى فى شراينى ليس مع دمى فعشقها هو دمى و ترابها اثمن عندى من اللؤلؤ والمرجان ولذلك كتبت هذا الكلام اريد ان يعى كل مصرى اننا من نهين مصر واسمها وليس هى من تهيننا هى التى لها حق فى ان تكرهنا وليس نحن .

[ندعوك للتسجيل في المنتدى أو التعريف بنفسك لمعاينة هذه الصورة]

وقبل الختام لم يتبقى لدى سوى بعض كلماتى المتواضعة التى اهديها لكل من عاش على ارض مصرنا الطاهرة .

ياللى سبت البلد ومشيت
وقلت البلد مش ليا وهجيت
هترجع تاني ولا خلاص مش راجع
ده في ناس هنا غيابك في قلبهم واجع
اوعى تنسى اهلك فيوم لتهلك
وصدقنى يا ولدي بره بلدك مش هتسلك
صحيح انت فى بلدك كنت مخنوء
بس اوعى تفتكر انك فى الغربة هتروء
انت اللى كنت هنا سلبي وزيك زي غيرك
يمكن لو كنت حاولت يمكن كان اتصلح حالك
اوعى تكون فاكر ان زويل عنك يتخير
ده الفرق بينك وبينه انه حلم وهو صغير
ولما حلم كبر فبنا
بنا اسمه ولنفسه كتير عمل
مع انه انسان عادي
بس عنده بربه ايمان وشوية امل
وكان زمان عنك مايتخير
بس الفرق انه حلم وهو صغير

ختاما اتمنى ان تصنع كلماتى البسيطة شيئا .

عند حق يا محمد ساعات الواحد بيقول كلام ما بكون عارف معناه

المهم كلام بيتقال وخلاص

معلومات قيمة وبارعة عن الهند وماصنعته من ابتكارات واختراعات

*****************

سلمت وسلم قلم كلمات بسيطة ولكنها تأتى في صميمها

لو الانسان يفكر كويس في بلده ويفكر انه البلد مش السبب في وقف حاله

وانه لازم يحاول انه يصلح من نفسه عشان البلد يتصلح حالها

مش كل ما تضيق بينا الدنيا نهرب بعيييييييد

شكرا يا محمد لموضوعك القيم

تحياتي لك

محمد الناس كوله بتقول الكلمه ده بس المشكله الى ميعرفوش الهنود
انا عشرت هنود فى البلد الى انا فيه والله دماغهم جمده جداااااا ويوديك البحر ويرجعك عطشان لو عايز حاجه يخده منك وبرضاك ومن غير ميتكلم كتير احنا بس الى فكرين نفسينه نصحين ده هما طلعو ابو النصاحه كونت جى البلد ده وانا عارف انى هتعامل معاهم بس مكونتش فاكرهم كده طيبين وكويسين جدااا مع الى ليهم ومتدينين جدااااااااااااااااااااااااااااااااااااااااااا
بشكورك محمد كتير على الشعر الى فى الاخر صح والله الواحد كونت فى بلدك شغال وكويس ايه معليك بلغربه كونت تقول هتغرب وهعمل وهنيل اديك جيت ايه الجديد على الاقل يوم مبتخنق بتشوف واحد صحبك تكلمو تكلم حد قريبك تخرج لوحدك تمشى فى شوارع بلدك تحس انى هى بتاعتك هنا لو عملت ايه الخنقه جواك ومبتفرققش خالص لو قلت تخرج تحس انك غريب عن البلد مش الشوارع بتاعتك ومفيش حاجه ملكك انا فى مصر كونت بحيس والله انا وفى الشوارع انى مالك الشوارع كوله الى انا ماشى فيه هنا مقدرش اقول اى حاجه غير انك تحس انك غريب
مشكور محمد كتير

والله كلام محمد صح احنا اللى اغبياء اوى
بس انعمل ايه اندخل جوة دماغ الناس والله حلو الشعر اللى فى الاخر دة
وكمان كلا م جنرال صح بس موضوع بجد جامد وتحياتى لك

بجد كلمات بسيطه بس معناها كبير اوى
وفعلا الهنود فى منهم تفكيرها حلو جدا
سلم قلمك على الكتابه الرائعه

فعلا يامحمد كلامك صح ، انا فى الامارات وفيها هنود كتير والله من اذكى الناس هنا وشغالين فى كل حاجة مفيش حاجة اسمها صعبة ، كل حاجة بيتعلموها

لكن احنا اللى بنصعب على نفسينا الامور
اما بالنسبة للبلد ،انا قررت لان مفيش غير كدة ياما هاشتغل فى غير مجالى خالص

لالا الناس لما بتقول كده مش قصدها ان الهنود اغبيه لا انا بسمعها كتير وبصراحه ساعات بنقولها هو بس بنقول انت فاكرنى جاى من الهند او فاكرنى رابط الفيل يقصدو انهم ميعرفوش ثمن الحاجه دى او فاكرنى بقالى سنين مخرجتش او الملخص معرفش حاجه عن البلد دى معلش طولت واتاخرت فى الرد