انا؟!!!

موضوع: انا؟!!! السبت 30 مايو 2009, 3:30 pm

لفيت بلاد .. .. .. .. و لا سندباد
من غير معاد .. .. .. الحمل زاد
و انا ضهرى كان ... شيال هموم
قبل الأوان .. .. .. ضهرى انتنى
ما بقتــش أنا
ما بقتـش غير صــــوره فى مكان
بتقول زمــان .. .. ..
و تقول كمان .. .. ..
كان فيه رموز .. .. .. و ناس كنوز
و صاحبنا كان أجمل جدع
فوق الرؤس نجمه ارتـــفع
فجأة وقع
قلبه انجلع
مش باقى منه غير حروف
لكن ألوف تكتب كتاب
يفتح له باب
يدخل هناك
يلمح ملاك
يمسح دموعه
يلحم ضلوعه
و يشـــــــد ضهره اللى انتنى
و ارجع أنا .. .. لأ مش أنا .. !!
إنســـان بيلبس هدمتى
ساكن ف عقلى و جتتى
لا هو عارف ســـكتى
و لا يوم يحس بقصتى
..............
أرجع حزين
خوفى السنين بيا تطول
و ارجع أقول :
يارب هون غربتـــى .. ..
و امسح بإيدك دمعتى
رجعنى اكون تانى أنا
لو حتى ضهرى ينتنى
أو عمرى لحظه يتفنى
اتمنى اكون دايما .. .. .. أنا ..