هبه
{{ حاصل على وسام العضو المتميز }}
عدد المشاركات : 306 تاريخ الميلاد : 22/08/1993 العمر : 31 مزاجى اليوم : الدولة : النقط الى عندك اد ايه : 19281 كفاءة شغلك فى المنتدى : 0 انت شرفت امتى المنتدى : 03/03/2007
| موضوع: رباعيات صلاح جاهين " الجزء الثالث" السبت 17 مارس 2007, 1:55 pm | |
| ياللي بتبحث عن إله تعــــــــــــبده
بحث الغريق عن أي شئ ينجـــده
الله جميل و عليم و رحمن رحــيم
أجمل صفاته .. وانت راح توجده
عجبي !!!
حقرا و فوق كوكب حقير محتقـــــــر
في الكون تكون دنياكو إيه يا بــــــقر
رملايه من صحرا ؟ لكين إيش تقول
و الكون بحاله جوه عقل البشــــــر
عجبي !!
لا تجبر الانسان و لا تخـــــــــيره
يكفيه ما فيه من عقل بيحيــــــره
اللي النهارده بيطلبه و يشتهــــيه
هو اللي بكره ح يشتهي يغيـــــره
عجبي !!
ياللي في حماه الشمس تلقي المــــلاذ
و ألف بكره و بكره .. في ضلوعه لاذ
مين أنت ؟ مارد ؟ رب ؟ قال لأ ده بس
انا اللي باروي القمح و اسقي الفــولاذ
عجبي !!!
غسل المسيح قدمك يا حافي القـدم
طوبي لمن كانوا عشانك خــــــــدم
صنعت لك نعليك أنا يا أخــــــــــــي
مستني إيه .. ما تقوم تدوس العدم
عجبي !!!!
البط شال عدي الجبال و البحــــــور
ياما نفسي اهج .. احج ويا الطــيور
أوصيك يا ربي لما اموت .. و النبي
ما تودنيش الجنه .. للجنه ســـــــور
عجبي !!!
طال انتظاري للربيع يرجــــــــــــــع
و الجو يدفا و الزهور تطلــــــــــــع
عاد الربيع عرمرم شبـــــــــــــــاب
إيه اللي خلاني ابتديت افــــــــزع ؟
عجبي !!!
و لو اتضنيت و فنيت وعمري انفرط
مش عاوز الجأ للحلول الوســـــــــط
و كمان شطط و جنون مانيش عــاوز
يا مين يقول لي الصح فين والغلــــط
عجبي !!
عاد الربيع كأنه طعم الحــــــــــــــــــب
و الحب نار جوه العروق بتصـــــــــب
اتمتع ازاي بيه وانا متقطـــــــــــــــع
من كتر خوفي لا في الخطيئة يطب ؟
عجبي !!
ازاي شبابنا يقوم و ياخـــــــــد دوره
من غير صراخ يئذيه و يجرح زوره
يا هلتري أحسن له يقعد ساكـــــــــت
أو ينترك و لو خرج عن طــــــوره ؟
عجبي !!!
عيني رأت عصفور ووياه ابـــــــــنه
بيحدفه في الريح و ياخده ف حضنه
نوبتين و تالت نوبه – عجبي عليهم –
كانوا سوا بيرفرفرا و يغنـــــــــوا
عجبي !!!!
احسن ما فيها العشق و المعشقــــــة
و شويتين الضحك والتريقـــــــــــــة
شفت الحية . لفيت . لقيت الألــــــــذ
تغييرها . و ده يعني التعب و الشقا
عجبي !!! | |
|
هبه
{{ حاصل على وسام العضو المتميز }}
عدد المشاركات : 306 تاريخ الميلاد : 22/08/1993 العمر : 31 مزاجى اليوم : الدولة : النقط الى عندك اد ايه : 19281 كفاءة شغلك فى المنتدى : 0 انت شرفت امتى المنتدى : 03/03/2007
| موضوع: رد: رباعيات صلاح جاهين " الجزء الثالث" السبت 17 مارس 2007, 1:57 pm | |
| ارجو انكو تستمتعو معايا في حلقات رباعيات الفيلسوف جاهين | |
|
الكتكوتة
{{ نور عينى ماسى }}
عدد المشاركات : 188 تاريخ الميلاد : 08/09/1986 العمر : 38 مزاجى اليوم : الدولة : النقط الى عندك اد ايه : 19278 كفاءة شغلك فى المنتدى : 0 انت شرفت امتى المنتدى : 04/03/2007
| موضوع: رد: رباعيات صلاح جاهين " الجزء الثالث" السبت 17 مارس 2007, 2:26 pm | |
| ايه العظمه دى يا عم جاهين شكرا يا هوبه | |
|
صافى حسنى
{{ نجم نجوم المنتدى }}
رقم العضوية : 3 عدد المشاركات : 396 تاريخ الميلاد : 18/06/1985 العمر : 39 مزاجى اليوم : الدولة : النقط الى عندك اد ايه : 19305 كفاءة شغلك فى المنتدى : 0 انت شرفت امتى المنتدى : 23/02/2007
| موضوع: رد: رباعيات صلاح جاهين " الجزء الثالث" الأحد 18 مارس 2007, 7:41 pm | |
| جميل طبعا يا هبه اختيار ممتاز مشكوره | |
|