تتويج امير الكلمات ادخل بسرعه

سم الله الرحمن الرحيم

السلام عليكم ورحمة الله وبركاته
أعزائي أعضاء نور عيني الكرام
تعلن إدارة منتدى نور عيني
عن انتهاء موعد المسابقه الأدبيه
بتاريخ15-09-2008
يعني بعد يومين وبس
وسيكون موعد اعلان الفائزهو
21-09-2008
ارجو من الجميع المشاركه
الاخوه الاعضاء والمشرفين والاداره
حنبدء بالتصويت للقصايد من اليوم
بالدخول على قسم المنتديات الادبيه قسم الخواطر والاشعار الخاصه
امير الكلمات
وبعد ذالك قرائة القصايد والتعليق على كل قصيده على حده واعطاء الدرجات لتتويج اميرالكلمات في الموعد المحدد اعلاه هذا ولكم مني جزيل الشكر

روح شقت كفنها .. بتنادى عا للى دفنها
بكل دموع وأهات
نفسها حد يعنها .. لو لحظه يرجعها
تعوض اللى فات

ظلمت ياما كتير وانحلت
عن مبادها ودينها اتخلت
قتلت
شهدت
نهبت
حرقت
عملت ياما معاصى ماخلت

كل حد كانت ظلماه .. حبيت دمعه وقولت اه
وافتكرت حياته فى ايدها
نسيت ان دى ليها رب .. ومحستش فى يوم بالذنب
واهى راحت والدنيا سابتها

ليه سبتونى وبعدتوا عنى .. انا دلوقتى بقيت لوحدى
فى حضن عذابى .. معايا اعمالى .. وياريت فيكوا حد يشفعلى

روحى بتصرخ من عذابى .. ولسه مجاش يوم حسابى
شايف مكانى .. روحى بتعانى .. اه لو يرجع بيا زمانى

ياللى سامعنى اوعى تغرك .. الدنيا واللهى هضرك
روح وانساها .. ليه تهواها .. اهى ضاعت وانا ضعت معاها

اه والف اه ضاع الاخلاص وتاه

اديتك كل احساس وختك اهلى وناسى

اتارى الغدر طبعك اه والف اه

ياما سالت روحى انتى فين بتروحى

اتارى روحى معاك عايشه على هواك

ممكن انسى عمرى لكن ازاى انساك

الف اه

اديتك كل احساسى وختك اهلى وناسى

اتارى الغدر طبعك اه والف اه

الف اه

اجرح .... اغدر .... خون بكلام حلو حنون

العب بقلوب الناس قلبك مفهوش احساس

بكره تقابل قلب يسقيك نفس الكاس

اديتك كل احساسى وختك هلى وناسى

اتارى الغدر طبعك اه والف اه

مش بعيد الدنيا تجمع بنا تانى

مش بعيد ارجع لحضنك ولمكانى

مش بعيد ياحبيبتى يرجع حبنا

مش بعيد يرجع يدفى قلبنا

مش بعيد ياحبيبتى تانى تعيشى معايا

واحس قلبك واحسسك شوقى وهوايا

وتبقى جنبى ياحبيبتى للنهايه

عمرى يوم ما هافكر ثانيه ابعدها عنك

ياللى جوا فى دمى وبتجرى وكأنك ..

عايشه ليا من بداية الحـيـــاه

ياللى حبك عاش فى قلبى وجوا منى

ياللى طول وانا جنبك دايما احس انى

ملكت كل الدنيا وضحكتلى الحـيـــــاه

يلا قولى ياحبيبى انا مش هاسيبك

يلا قولى قدرك انا .. انا نصيبك

لو فى يوم بعدت عنى .. حبك يجيبك

لو فى يوم تعبت منى .. انا دواك .. انا طبيبك

لو تسيبنى فى يوم انا ...... والله ماسيبك

بس هى ترجعنا تانى

هى تجمعنا تانى

مش بعيد

مش بعيد الدنيا تجمع بنا تانى

مش بعيد ارجع لحضنك ولمكانى

انــــتــــــي الـــــحــــــب

أنتى الحب

أنتى أرق وأطيب قلب

أنتى حبيبة قلبى وروحى

أنتى آمالى وكل طموحى

مش ممكن من غيرك أعيش

غيرك فى الدنيادى ماليش

أيوه بــــحــــبــــك وأنتى كمان

صارحينى بحبك ماتخبيش

دايما بسأل قــلـــبــى و أقوله

لــيــه حبتها الحب ده كله ؟؟!

رد عليا القلب وقال

بأستغراب وبطولة بال

هو انت لسه بتسأل ليه ؟!

أسمع وصف البنت دى أيه

أنسانه مافيش منها أتنين

نبض القلب ونور العين

دايما صادقه فى كل كلامها

مابتخدعش اللى يكلمها

أخلاق عاليه وعقل كبير

تتصرف بعد التفكير

بس ياقلبى كفايه عذاب

من بعد ....... ماليش أحباب

أتمنى تكون حست بيا

أخاف عليها .. تخاف عليا

وفي النهايه أنا هاستناها

مهما يكون في العمر باقيا ..

معلشى يا تايجر انا تقلت عليك بجد بس انا اخترت احلى كتاباتى وياريت تختار اللى انت عاوزة وتشوفة وتقول رايك وميرسى كتير يا تايجر على الموضوع الهايل دة ويارب المزيد والنجاح يارب

نورتينا يابوبو بس لوسمحتي نزليها في قسم المنتديات الادبيه قسم الخواطر والاشعار الخاصه امير الكلمات واذا عندك زياده عايزه تضيفيها اوكي بس ياريت اليوم ومتشكر مره تانيه على مشاركتنا المسابقه

ممتااااااااااااااااااااااااااز
بوبو
على الكلام الحلو ودة
ويارب من تقدم الى تقدم اكبر منة
وبارك الله فيكى

بارك الله فيك انت ياروميو وميرسى كتتتتير لردك علية ميرسى ليك ويارب النجاح الدايم ليك يارب

» امير الكلمات>>>>>>>>>>
» المسابقه الشعريه الكبرى ( امير الكلمات )
» عاوز جبال حسنات ادخل هنا بسرعه