مين اللى قال إن العيون بتبكى بس دموع
دى بتبكى ندم .. آلم .. دم وهم .. ولهب شموع
بيبان لهب ضعيف .. من بعيد تحس أنه ضعيف .. مالوش صوت مسموع
لو قربت هتلاقى أحلام بتتحرق.. مليون حب غرق .. ومالوش رجوع
&&&&&&&&&
مين اللى قال إن جراح العاشق ممكن تروح
دا مهما طال الزمان .. مهما زاد الامان .. هتفضل عايشه الجروح
بس العاشق بيخفى الجرح .. وبيسيب الفرح ..هو بس اللى مسموح
والحزن والآلآم .. واللى أنتهى من أحلام .. بيبقى سر بينه وبين الروح
&&&&&&&&&
مين اللى قال إن الحزن للفراق أحساس عادى
حد جرب يعيش من غير نوم .. يعيش مقسوم .. بين دلوقتى والماضى
حد جرب يعيش من غير أحساس .. لأ ..من غير أنفاس .. يموت موت هادى
موت بطىء.. مؤلم قوى.. حد جرب يندبح بخنجر هادى
&&&&&&&&&
مين اللى قال إن فراق الحبيبة مش ضياع
دا كل نار الدنيا ولهيبها ما يساوى لحظة وداع
كل الخوف اللى ممكن يسكن القلوب .. ما يساوى لحظة خداع
النار والمرار .. شىء بسيط .. لو جربت إنك تتباع
&&&&&&&&&
مين اللى قال إن فى حاجة اسمها نسيان
زى ما متقدرش تنسى الفرح .. صعب تنسى الأحزان
جرب فى يوم إنك تعيش من غير أمان
العاشق مش ملاك هيتحمل .. دا مجرد أنسان