إزاي تبقى رومانسـي....عيد الحب قرب الحق اتعلم حاجة تنفعك

[ندعوك للتسجيل في المنتدى أو التعريف بنفسك لمعاينة هذه الصورة]

يعنى عشان عيد البتنجان دا والناس الى بتحب على روحها قولت أعمل مشاركة وكام نصيحة كدا على الماشى ......

1-
لما تكون شريكة حياتك مسافره كده او رايحه مشوار بعيد شوية تقولها وانت بتسبل بعينك كده: حبيبتي انا قلقان عليكي من المشوار ده وعلشان كده انا جيبتلك بودي جارد يحرسك
وتبتسم ابتسامة حلوة كده وتطلّعلها دبدوب صغير من ابو 15 او 20 جنيه
*******
2-
فى اي مناسبة عاطفية كده عيد الحب مثلا اشتري كام ورده حمرا بس تكون حقيقية يعني 10 او 20 كده وهات واحدة بلاستيك وحطها في النص وكارت صغير من المكتبة اللى على اول شارعكم واكتب: هافضل احبك لحد اخر وردة ما تدبل
*******
3-
طبعا اكتر الطرق لاسعاد حبيبتك لو بتشتغل ابعتلها في مقر شغلها باقة ورد كده جميلة وكلمتين حلوين برضه في كارت
اكيد طبعا في الشغل بقى زمايلها هيقولوا شوفتوا الحب يا ولاد وتعليقات حلوه كده هتخليها تحبك اكتر
*******
4-
لو حبيبتك عندها قط صغير بتحبه وكل ما تيجي تقولها كلمتين حب تقولك اسكت ده القط بتاعي عمل كذا النهارده يبقى انت في عيد ميلادها وانت جايبلها هدية هات للقط الغلبان ده هدية كمان
*******
5-
طبعا معظم البنات مش بيعرفو يطبخوا
يعني احتمال كبير مراتك تكون زي الفل فى الطبيخ وتقضوها تيك اواى المهم في مرة وانت بتطلب بيتزا مثلا اطلب منهم يقطعوها على شكل قلب
*******
6-
يعني لو مراتك تعبت في البيت كده دور برد خفيف.. بس همه بيحبو يتدلعو علينا.. خدلك انت اجازه من الشغل وخليك جنبها واعملها شوربة.. لو بتعرف.. وشغلها فيلم رومانسي كده وطبعا متنساش شوية عصير ليمون او برتقال
*******
7-
في يوم اجازه كده هاتلك شوية بالونات من اللي بيطيروا لوحدهم دول.. فيهم غاز الهيليوم.. واربطهم في شنطة العربية من جوه طبعا واطلع انت ومراتك رحلة رومانسية كده.. يعني شوفلك مكان رومانسي هادي.. وانزلو من العربية واعمل نفسك مشغول في اي حاجة واديلها مفتاح الشنطة بتاع العربية قولها هاتي الجاكيت بتاعك ولاّ اي حاجة.. طبعا هيّ اول ما هتفتح البالونات هتطلع على طول وياسلام لو كنت رابط كارت كبير شوية كده مكتوب عليه بحبك
*******
8-
عارف ياسلام عليك لو في يوم كده صحيت انت بدري وحضّرت الفطار وجبتهولها فى السرير.. تبقى فعلاً فعلاً فنّان ...

....................................

وأخيرآ إليها /A

عرفتك بصمت العيون.... تعديت كل الظنون.
احببتك بهمس الجفون. أيعقل ان احبك بهذا الجنون؟؟!
فبنظري الى هذا الوجه الوسيم الحنون
أشعر اني ملكت الكونأحبك يا من علم قلبي السكون!!!
أحبك يا من انساني طعم الهموم...
اقولها بصوتٍ مكتوم...
أحبك فقلبي لم يعد موهوم

ولأن حبى لكى فوق مستوى الكلام
قررت أسكت والســــــلام
خلاص خلاص

تقبلى تحياتى وتقديرى واحترامى

الله الله الله

افكــــاار مدهشة و عملية

والله حتة الرومنسية هي للي ناقصة الحياة الزوجية

لو اي زوج عمل بالافكار دي او غيرها حتى

المهم يعمل حركات على ذوقه عشان الحرارة العاطيفة تتحرك الشوي
وما يبقاش الركوض العاطفي بين الزوجين

بكدة نكون قضينا على 80 فالمية من المشاكل

اخي امير الرومنسية

سلمت يداك على كل حرف كتبته والف حمدلله عالسلامة انك ارجعت لبيبك و اخواتك

والله لك ولقلمك وحشة

تقبل مروري