اولا ياريت محدش يعلق على اللغة بتاعتى لانى هاكتب بالغة العامية
وعملت القسم دا مخصوص علشان كل واحد يكت عن اى احساس هو حاسة باللغة اللى يحيها
الساعة دلوقتى 8 صباحا
طبعا هتفكرونى لسة صاحية
بس انا لسة منمتش من انبارح هنعمل ايه بقى حكم القوى
قوى مين بس دا حكم الظالم المفترى اللى اسمه 
....(ولا بلاش:silent: ) طول الليل وانا عماله افكر:?: واسمع حبيبة قلبى نجاة شوية حزين وشوية رومانسى وحب
لدرجة انى لما طلع النهار مبقتش قادرة احدد حالة لنفسى ياترى انا حزينة ولا مبسوطة حاجه غريبة اوى:confused:
فقررت انى ادخل اكتب واخرج اللى جوايا يمكن اعرف ارتاح وانام
بس هيجى منين النوم وانا بالى مش مرتاح
وياترى دا من ايه
انا لحد الان مش عارفة
يمكن الاحاسيس الكتير المتضاربة اللى جواية
بس اكيد دا مش السبب
يمكن علشان حبيبى زعلان منى
بس هو زعلان منى ليه مع انى عمرى ما حاولت اعمل حاجه تزعله
والله هو اللى بيزعل لوحده :cry:
على راى نجاة ياحبيبى الحب عذاب وحبك حياتى
بس ياترى هو دا السبب ولا فى اسباب تانية
بجد مش عارفة
وعلشان مطولش عليكم والناس تقول ايه الملل دا هى هتحكى لنا قصة حياتها
طبعا اللى هيقرا الكلام اللى انا كتبته هيقول دا ملوش علاقه بالعنوان
العنوان دا هو اسم اغنية لنجاة سمعتها انبارح واثرت فيا اوى كانها كانت بتحكى احساس من الاحاسيس اللى جوايا
قررات اهديها لحبيبى هنا يمكن .........
ومش هقولكم يمكن ايه علشان دى اسرار
اسيبكم مع الاغنية
اما غريبة :face:
بتقول حبيبة حبيبة
وانا غريبة غريبة
فايتنى وحدى
انا وسهدى وسهدى
وان جيت اعاتب تقول حبيبة
اما غريبة اما غريبة غريبة
ياما فكرت اخاصمك واعمل زى عمايلك واطفى بايدى لهيبى
أول ما اسمع أسمك اجرى عليك وأحايلك والاقيك لسة حبيبى
وبنظرة انسى اللى نويته
وبكلمة انسى اللى قاسيته
مخاصمنى وظالمنى وتقول حبيبة
اما غريبة غريبة
قلبى احتار وياك
بالقرب
وفى البعد مابتفضل على حال
شوفت المر معاك
قلت عليه الشهد خايف من العزال
اكتب لك بدموع العين
متردش ولا تسال فين
تخاصمنى وظالمنى وتقول حبيبة
اما غريبة غريبة
خاصم واهجر وانسى زى ما يعجب قلبك دا أنا مقدرش اجافيك
مهما تفتنى وتقسى هفضل برده احبك علشان لسه شاريك
وتكتر عزال حوليا وتشمت اكترهم فيا
مخاصمنى وظالمنى وتقول حبيبة
اما غريبة غريبة
وكفاية كدا علشان مطولش عليكم وتزهقوا منى
:lol!: وللحديث بقية:lol!:
موضوع: اما غريبة 
الإثنين 12 نوفمبر 2007, 6:47 am
