من جوايا
من داخلى
من اعمقى
جيت
جيت النهاردة
جيت النهارده عشان اكتب ..عشان اصرخ عشان... اقول اللي جوايا..اصرخ علي كل شئ ..
حتي علي نفسي ..واطلع كل اهه في قلبي من سنين..
وانتفض واقول كمان لأ ..لأ لكل الناس ..قصدي لظلم الناس..
واه من ظلم ناس تخاف ولا تختشيش..
بس هيجي الوقت اللي اقول فيه لنفسي متخفيش...
واطلعي من وراء الشيش....
وتعالي نعيش..وميهمكيش..
واسأل الناس ..ازاي ياناس يا مخلوقين ؟يالي من اصل طين تعترضوا
علي قضاء الخالق العظيم ؟!
وتحسبوا الناس علي قضاءه فيهم !
نسيتوا انتموا مين؟! ..وجيتوا منين ؟!..ولفين رحين؟ !
طب افكركوا ....
احنا هنروح مكانين..
الاوله :
تربه وهنترمي فيها كلنا .. علي الارض..اللي جينا منها..
والتانيه:
ارض غبره ..من غير لا معلم ولا ضله
ولا حتي شجره ..
والشمس فوقينا بشبرين ..
ويمكن اقرب م الكحل للعين ..
وهنفضل هناك وقفين وسنين مستنين..
امر الخالق العظيم..
واااه من مصير المتكبرين ! اللي افتكروا انهم خالدين
او نهم احسن من الناس ..
هيكونوا اصغر من النمل .. وهيدوس عليهم كل الناس ..
ومش هينفع اليوم ده فلوس .. ولا جاه ولا سلطه ولا حتي نفوذ..
وياتري مين اللي هيفوز ؟؟؟!
الملك ؟ّ! الوزير؟! المدير ؟! الغفير؟!
ولا مين ؟!
ويبدا الحساب:
وبعد الحساب ياتري نار ولا جنه؟؟؟؟؟؟؟!
كل واحد هيتحاسب علي قد عمله .
مش ابن مين ولا ابن منشي..
ولا معاهم فلوس ولا معهمشي..
فهمتوا ولا بكلم ناس متفهمشي..
ده لو خيروا الجنين هيقول ما هنزلشي ..
ما هنزلشي لدنيا كلها كدب وخداع ونفاق ..
والله ماهنزلشي..
فلو حد عايز يحاسبني ؟! حاسبوني عن عملي عن نفسي ....عن اي حاجه بأديا ..
مش المكتوب عليا ..
اصل المكتوب مفيش منه هروب ولا يتغيرشي..