(هام جدا) بخصوص عناوين المواضيع

وانا كمان شايفه ان محمد على حق مش غلط فى حاجه لما قال ان الاعضاء لازم يخدوا بالهم كويس من المواضيع بتاعتهم ويخدوا بالهم من التعديل لان زى ما انتصار قالت انا كمان لما بدخل على موضوع ايا كان بيتكلم عن ايه
والاقيه مش منظم ومكتوب بطريقه مش مفهومه بطلع من الموضوع ومش بديله اهتمام حتى ولو كان الموضوع مهم وكذلك فى المواضيع اللى مكتوبه بطريقه حلوه ومنظمه بتشدنى ليها حتى لو كان موضوع مش اد كده مش مهم اوى يعنى بس فعلا لازم يكون فى تنسيق فى المواضيع مش اى حد عايز يكتب موضوع يدخل يحطه كده ويطلع وخلاص لأ لازم يشوف ان كان فيه تعديل ولا لأ عشان يقدر يلفت انتباه الاعضاء للدخول عليه والمشاركه فيه
وكمان انا مع انتصار فى موضوع الاشراف والتنظيم هى عندها حق لان وظيفه التنظيم من واجب المشرف او المشرفه على القسم اللى فيه وانا زى ما انتم عارفين انا مشرفه على العام صحيح دخولى للمنتدى مش زى الاول لظروف معينه بس لو مادو جهه فى يوم وقالى انا هشيلك من الاشراف مثلا عشان مش بقوم بمهام الاشراف كامله وقتها مش هزعل منه ولا اضايق لان ده حقه وحق المنتدى علينا ان احنا نهتم بيه شويه عن كده

وكمان يا فانتى انتى ليه كبرتى الموضوع اوى كده مش مستاهله الكلام اللى انتى قولتيه دا كله محمد كان بينبه عشان تنسيق المواضيع مش اكتر وانا شايفه انه مش قالها بطريقه رخمه ولا انه اتكلم بلهجه توبيخ زى ما انتى بتقولى انا شايفه انه اتكلم عادى وفيها ايه لو انه اضايق من حقه المنتدى بتاعه وبيخاف على مصلحته وعايز يطوره فمكنش ليه لازمه الكلام ده كله

وكمان ان كنتى بتتكلمى عن الاعضاء اللى بتدخل ومش بتشارك
اوك مقلناش حاجه من حقنا كلنا ان احنا نقول للاعضاء عايزين مشاركات اكتر وتفاعل اكتر وان كان الاعضاء الجدد مش عارفين فى تنسيق المواضيع ولا ليهم درايه بالكلام ده كله فى قسم مادو عمله لمساعده الاعضاء يدخلو عليه زى ما احنا دخلنا عليه فى بدايه مشاركتنا فى المنتدى

فأنا اسفه بجد يا فانتى ياريت مش تزعلى من كلامى ولا يكون رأى ضايقك
بس بصراحه انا شايفه انك كبرتى الموضوع اوى ومكنش يستاهل ده كله
ياريت تقبل كلامى
ودا كان رأى الشخصى
وتحيــــــــــــــاتى